Anthony Joshua do të luftojë kundër këtyre tre boksierëve në vitin 2018
Anthony Joshua ka mbrojtur titullin e kampionit të botës në pesha të rënda, pasi ka rrahur Carlo Takam
Boksieri britanik, Anthony Joshua ka fituar edhe luftën e 20 prej 20 meçeve sa ka pasur, duke e mposhtur Carlos Takam në raundin e 10’të.
Kjo do të jetë lufta e tij e fundit për këtë vit, por ai në vitin 2018 do të ketë edhe tre lufta të tjera, njofton promoteri Eddie Hearn.
“Deontay Wilder kundër Anthony Joshua duhet të ndodh”, tha fillimisht Hearn.
“Është po ashtu një kampion i madh i peshave të rënda i quajtur Tyson Fury, i cili duhet t’i kthehet këtij sporti”, vazhdoi ai.
“Joshua do të luftojë kundër Deontay Wilder, Joseph Parker dhe Tyson Fury në vitin 2018”, deklaroi në fund Hearn. /Express/
