Shumë yje të Hollywoodit bëjnë thirrje të mos votohet Trump
Shumë yje të Hollivudit si Robert Downey Jr dhe Scarlett Johansson u drejtuan thirrje amerikanëve për t’u regjistruar në listat elektorale për të marrë pjesë masivisht në votim, por gjithashtu për të penguar avancimin e Donald Trump, në një videomesazh të publikuar dje, transmeton atsh.
Kjo ishte një iniciativë e ”Save the Day”, ku komiteti i nismës politike kontribuon në financimin e fushatës së një kandidati, në rastin konkret të Hillary Clintonit, përfaqësuesja e Partisë Demokrate.
Ky komitet u krijua me iniciativë të skenaristit amerikan, Joss Whedon që ka drejtuar dy pjesë nga saga “Avengers”.
“Të martën, më 8 nëntor, ky vend do të marrë vendimin më të rëndësishëm në historinë e tij”, thanë Robert Downey Jr dhe Scarlett Johansson.
“Keni përgjegjësinë për të qenë pjesë e këtij vendimi”, vijuan ata.
