ATK në “riformatizim” total, forcohen njerëzit e LDK’së
Administrata Tatimore e Kosovës është në “riformatizim” të thellë që nga ardhja e Avdullah Hotit në krye të Ministrisë së Financave. Përpos që u ndërrua drejtori i ATK-së, ku në këtë pozitë erdhi Sakip Imeri, anëtar në njërën nga degët e Lidhjes Demokratike të Kosovës, ky institucion edhe në pozitat tjera të rëndësishme ka vendosur shumë njerëz të afërt me LDK-në.
“Me këto ndryshime janë sistemuar shumica e njerëzve të afërt me LDK-në në pozita të larta brenda ATK-së. Mirëpo, pas zhurmës që bënë njerëzit e PDK-së, edhe disa njerëz të afërt të saj, u sistemuan”, thotë ky burim i Gazetës Blic brenda ATK-së.
