Zyrtare: Arrihet marrëveshja mes Coutinhos dhe Liverpoolit, ja detajet

Pronarët e “Anfield” refuzuan këtë verë një ofertë zyrtare prej 114 milionë stërlinash nga klubi katalanas (në fakt kanë qenë 3 oferta, gjithnjë në rritje financiarisht), duke vënë veton dhe duke mbajtur në skuadër sulmuesin brazilian. Por Barcelona nuk ka hequr asnjëherë dorë nga transferimi i Philippe Coutinho dhe spanjollët janë gati të hidhen sërish në sulm edhe në merkaton e janarit.

Por transferimi në janar duket i vështirë, duke qenë se braziliani nuk do të ketë mundësi të luajë në Champions me katalanasit, ndaj ai ka rënë dakord që ta mbyllë sezonin me Liverpool, por me kusht që ata ta lënë të lirë verën e ardhshme. Coutinho e di shumë mirë se skuadra spanjolle nuk do ta presë përjetësisht, ndaj është duke lëvizur vetë që situata të jetë në favorin e tij kur të kryher transferimi. Sulmuesi 25-vjeçar konsiderohet si përforcimi i duhur për skuadrën e Barcelonës, ndaj dhe ai kërkon me çdo kusht të ndryshojë fanellë, duke arritur një marrëveshje paraprake me pronarët e Liverpool.