Edhe Gareth Bale dëshiron largimin nga Real Madrid, ja në cilën skuadër ai preferon të luaj
Ndërsa kanë mbetur edhe pak ditë nga mbyllja e merkatos së dimrit, në Britani publikohen lajme se një yll i “galaktikëve” dëshiron të largohet nga Madridi për t’u bërë pjesë e djajve të kuq në Angli.
Sipas asaj që shkruan “Daily Express”, Gareth Bale ka kontaktuar drejtuesit e Real Madrid për t’iu shprehur atyre dëshirën për t’u larguar drejt Manchester United, i cili prej kohësh po përpiqet ta bëjë të sajin talentin uellsian.
Duket se Bale, ndoshta edhe përshkak të ecurisë së dobët të “galaktikëve” në kampionat, është mërzitur me futbollin spanjoll, e dëshiron të kthehet në Premier League, atje ku edhe u bë i famshëm, kur luante për Tottenham.
