Rashica ka një kërkesë për bashkëlojtarët te Kosova

Kroacia mposhti mbrëmë Kosovën me rezultat të thellë prej 0:6 si mysafir, por vushtrriasi thotë se skuadra duhet të harrojë këtë humbje dhe të fokusohet në ndeshjen e radhës ndaj Ukrainës.

“Duhet ta harrojmë këtë ndeshje dhe të fokusohemi te Ukraina. Ata janë një tjetër kundërshtar i fortë, por atje do të shkojmë dhe të japim më të mirën tonë”, deklaroi Rashica.

“Jemi të rinj. Kemi nevojë për kohë që të luajmë së bashku. Primare është që të bëjmë lojë sa më të mira dhe të jemi gati për kampionatin e ardhshëm”, shtoi ai. /Periskopi.com