Nëna e tij e ngacmoi, edhe pse ishte në ditët e fundit – Bush tregon çfarë i kishte thënë ajo mjekut (Video)

Ish-Presidenti Xhorxh W. Bush tha të enjten se nëna e tij mbeti kurajoze dhe e gjallë, herën e fundit kur e pa atë personalisht, një javë para se të vdiste ish zonja e parë.

Barbara Bush vdiq të mërkurën në moshën 92 vjeçare.

E në një intervistë për mediat amerikane,Bush tha se nëna e tij nuk harroi ta ngacmonte madje as edhe kur ishte në ditët të fundit të saj, kur ai dhe bashkëshortja e tij, ish zonja e parë Laura Bush, vizituan atë në dhomën e saj të spitalit Houston në fillim të këtij muaji.

Kur një mjek u ndal, Bush tha se e ëma e tij pyeti: “A doni të dini pse George W. është kështu siç është?” “Para se mjeku të mund të përgjigjej, Bush tha se e ëma u përgjigj: “Sepse pija alkool dhe cigare kur shtatzënë me të”.

“Më këtë e kuptova se ajo ndjehej mirë”, tha Bush, përcjell Telegrafi.

Ish-presidenti tha se vdekja e nënës së tij do të ishte veçanërisht e vështirë për babain e tij, ish-presidentin George H.W. Bush.

Çifti u martua në vitin 1945 dhe kaloi së bashku më shumë se shtatë dekada.

“Në moshën 93-vjeçare, ai do të humbasë nënën”, tha Bush për babain e tij. “Në fund të fundit, ata ishin të martuar për 73 vjet”.

Presidenti i 43-të i SHBA tha se babai i tij dhe një nga vëllezërit e tij, Neil Bush, ishin në shtratin e Barbara Bush kur ajo vdiq.

Bush tha se e kishte thirrur të ëmën më herët të mërkurën.

Bush shtoi se nëna e tij mbështetej në besimin e saj në ditët e saj të fundit.

Ajo më tha: “Unë nuk kam frikë vdekjen. Unë e di që ka një Perëndi”, tha Bush.