Por, arbitri i njohur i Serie A ka gjetur një motiv për të buzëqeshur, pavarësisht kërcënimeve për vendimet polemizuese të së shtunës.

Komisioni i Arbitrave në FIFA, që drejtohet nga italiani Pierluigi Collina, publikoi listën e 13 videoasistentëve që do të sinjalizojnë sistemin “VAR” në Botërorin e Rusisë, këtë verë. Mes emrave të zgjedhur si më të mirët është edhe Daniele Orsato, ai që shumë tifozë, sidomos ata të Interit dhe Napolit, e konsiderojnë mëkatar për disa vendime në “San Siro”.

Në një njoftim për shtyp të FIFA-s thuhet se, 13 arbitrat janë përzgjedhur mbi bazën e eksperiencës së fituar me përdorimin e sistemit “VAR” në kompeticionet kombëtare, si dhe në seminaret përgatitore, raporton TCH.

Për çdo ndeshje të fazës finale në Botërorin e kësaj vere në Rusi do të ketë edhe një sistem videoarbitrimi, me 3 asistentë që do të ndihmojnë kryesorin në vendime më të drejta.