Media zvicerane: Shqiptarët kundër shqiptarëve – në vendin e shqiptarëve
Në stadionin e Cyrihut përherë të parë u përballën zyrtarisht Shqipëria dhe Kosova. Për shqiptarët është një ndeshje thuajse në atdhe – falë lidhjeve të ngushta me Cyrihun, shkruan fillimisht prestigjiozja zvicerane “NZZ”.
“Të gjithë tifozët në stadion mbështesin kombin e njëjtë shqiptarët. Se ata janë dy klube të ndryshme është çështje e parëndësishme,” përcjell albinfo.ch.
“Shqiponja është gjaku ynë”
Në stadion ishte i kudondodhur flamuri me shqiponjën dykrenore, ndërsa ai i Kosovës ishte më i radhë.
“Flamuri i Shqipërisë, shqiponja, është gjaku ynë, zemra jonë,” thotë Kujtim Gusturanaj, i cili me tre fëmijët e tij ndiqte ndeshjen në stadion.
Në stadion kishte 18.700 tifozë, ku të gjithë këndonin himnin kombëtar të Shqipërisë. Shenjë e unitetit mes dy përfaqësuesve.
“Ne jemi kombi i njëjtë, që thjesht kemi ngjyra të ndryshmme me të cilat përfaqësohemi – në njërën kuq e zi, në tjetrën verdhë e kaltër,” thotë funksionari i Federatës së Kosovës, Artan Govori.
Në fund të ndeshjes, patjetër që fituan të gjithë, e përmbyll shkrimin prestigjozja zvicerane.
