Aksidentohet George Clooney, dërgohet në spital (Foto)
George Clooney është aksidentuar nga përplasja e motoçikletës së tij me një veturë në Itali.
Ylli i Hollywood-it, George Clooney u dërgua në spital pasi kishte lëndime të lehta nga aksidenti, shkruan BBC, transmeton lajmi.net.
Aksidenti ndodhi në Sardenjë, ku aktori po filmon serinë e tij të fundit televizive, Catch-22.
Një zyrtar në Sassari ka konfirmuar për BBC se Clooney ishte i përfshirë në një ‘aksident të vogël’, por nuk kishte lëndime serioze.
Incidenti ndodhi rreth orës 08:00 të mëngjesit, kur aktori po largohej nga hoteli i tij në Kosta Corallina.
Bazuar në raportimet e fundit, thuhet se aktori ka pësuar lëndime të lehta në gjunj.
