Kuvendi Komunal miraton emrin e stadiumit “Fadil Vokrri”
Kuvendi komunal i Prishtinës ka miratuar propozimin për emrin “Fadil Vokrri” të stadiumit të Prishtinës.
Kështu ka njoftuar i pari i kryeqytetit, Shpend Ahmeti, përcjell KosovaPress.
“Prej sot edhe zyrtarisht Stadiumi i Qytetit mban emrin Fadil Vokrri. Falemnderit Kuvendit Komunal që miratoi propozimin e emrit”, ka shkruar ai.
Pjesa e parë e mbledhjes komunale u karakterizua me përplasje në mes të të parit të Socialdemokratëve, Shpend Ahmeti me asambelistët e Vetëvendosjes.
