Ekipet e mëdha të Belgjikës përfshihen në skandalin e basteve
Anderlecht dhe Club Brugge janë midis klubeve belge që janë bastisur si pjesë e një hetimi mbi aktivitetet e pretenduara kriminale.
Anderlecht dhe Club Brugge janë bastisur nga policia si pjesë e një hetimi të gjerë për korrupsionin e pretenduar në futbollin belg, shkruan Periskopi.
Top klube, agjentë dhe gjyqtarë ishin objektiva të bastisjeve të policisë të mërkurën, konfirmoi zyra e prokurorisë federale.
Hetimi filloi në fund të vitit 2017 pas një raporti të njësisë së policisë kundër mashtrimit pasi kishte informata të transaksioneve “të dyshimta” në futbollin profesionist belg.
Gjatë hetimeve të tyre, autoritetet përfunduan se kishte dëshmi që “ndikuan në garat e sezonit 2017-18”, duke përdorur këtë për të zgjeruar hetimin dhe të konfirmohej se ndeshjet ishin kurdisur.
Gjithsej 44 bastisje u zhvilluan në Belgjikë të mërkurën, ndërsa 13 të tjera u kryen njëkohësisht në Francë, Luksemburg, Qipro, Mal të Zi, Serbi dhe Maqedoni, përcjell Periskopi/
Ndër objektet e kontrolluara ishin edhe zyrat e klubeve të nivelit më të lartë Anderlecht dhe Club Brugge, të cilat po garojnë në Ligën e Kampionëve të këtij sezoni.
Zyra e Prokurorit konfirmoi bastisjet me një deklaratë, ku thuhej: “Hetimi gjyqësor ka të bëjë me aktivitetet në kuadër të një organizate kriminale, pastrimit të parave dhe korrupsionit privat”.
”Bastisjet janë kryer në disa klube futbolli aktive në kuadër të Jupiler Pro League. Dokumentet dhe dosjet e ndryshme u konfiskuan”.
”Ne gjithashtu bëmë kërkime në shtëpi të anëtarëve të bordit të klubeve të futbollit, agjentëve të lojtarëve, gjyqtarëve, ish-avokatëve, një firme kontabiliteti, një ndërmjetësues, gazetarë dhe një numër bashkëpunëtorësh të mundshëm”.
”Një numër i madh njerëzish u privuan nga liria e tyre dhe u morën për pyetje”.
”Kërkimet e shtëpive kryesisht kanë ndodhur në shtëpitë e personave juridikë të huaj, të cilët do të përdoreshin për të vendosur transaksione financiare të dyshimta. Dokumentet dhe fondet u konfiskuan nga llogaritë bankare dhe në kasaforta”, konfirmoi policia.
Anderlecht, Club Brugge, Standard Liege dhe Lokeren janë disa nga emrat e ekipeve belge që janë duke u hetuar për kurdisje./Periskopi/
