Vendosi t’ia dhurojë veshkën të panjohurit, por i ndryshoi jeta (Video)

Diçka mjaft e mirë dhe e pazakontë ka ndodhur në  jetën e Danny Robinson, i cili kishte kaluar tri vite në listën e pritjes për transplantimin e veshkës.

Ashley McIntyre  kishte dëgjuar historinë e Danny Robinson 25 vjeçar.

Ashley e dinte se do të ndryshojë jetën e dikujt, kur vendosi ta dhurojë njërën veshkë, por kurrë nuk kishte besuar së një vendim i tillë do të ketë aq ndikim të madh në jetën e saj.

Ashley ishte prekur aq shumë me historinë e Robinsonit, sa që kishte vendosur ta ndihmojë.

Ajo kishte marrë informacione të bollshme për të riun e sëmurë, dhe kështu kreu disa teste me të cilat u konstatua se mund të jetë dhuruese.

Ata për herë të parë janë takuar një muaj para ndërhyrjes kirurgjike, dhe atë në prani të familjeve të tyre.

“Jemi emocionuar shumë. Ata më thanë se përgjithmonë do të jem pjesë e familjes së tyre”, ka deklaruar Ashley.

E gjithë kjo nuk përfundoi vetëm me ndihmën që Ashley i bëri Robinsonit, ata pas takimit të tyre të parë vazhduan të mbajnë kontakte shpesh bisedonin në telefon dhe shkëmbenin mesazhe.

Nuk është se nuk kanë menduar për lidhje, por ishin të brengosur se çfarë do të ndodhë në procedura e transplantimit dështon…Por pasi që operacioni shkoi mirë, Robinsonit iu dha mundësia për të vazhduar jetën pa brenga, e pse jo edhe të bashkohen.