16-vjeçari hodhi gjylen 18.53 metra, duke thyer rekordin e mëparshëm të Kosovës, 18.32 metra.

Atleti ynë doli i nënti në fazën e parë të garave, derisa të hënën zhvillohet faza e dytë.

Në renditjen e përgjithshme të fazës së parë, Muhameti, doli i nënti nga 15 garues. Madje, me rezultatin që arriti, ai me pak fat mund të hyjë në pesë më të mirët. I pesti pati rezultatin 18.78 metra.

“Jam shumë i kënaqur me rezultatin, kam thyer rekordin e Kosovës dhe në bazë të rezultateve tjera synoj ta përmirësoj rezultatin edhe të hënën”, tha Ramadani për “noc-kosovo.org”.

Edhe trajneri i tij, Mustafë Ramadani, u shpreh i kënaqur me paraqitjen e Muhametit, duke thënë se tani synojnë të kalojnë largësinë 19 metra.

Nga katër tentimet e sotme, Muhameti në tentimin e parë e hodhi gjylen 17.89 metra, në të dytën 18.53 metra, ndërsa e treta dhe e katërta përfunduan jashtë cakut.

Kujtojmë që Ramadani në bazë të moshës që ka (16) është për një dhe dy vjet më i ri se sa garuesit që dolën para tij, që dëshmon në të ardhmen e afërt mund ta shohim edhe në podium.

Të hënën zhvillohet faza e dytë, ku i urojmë shumë fat dhe suksese Muhametit.