Prishtina shpreson për fitore në Rumani
Pas fitores në ndeshjen e parë, ndaj skuadrës ukrainase Cherkaski Mavpy (92:82), Z Mobile Prishtina sonte e zhvillon ndeshjen e dytë në kuadër të Grupit E të Fiba Europe Cup.
Prishtinasit janë mysafirë të skuadrës rumune Steaua Bucuresti, ndërsa ndeshja fillon në orën 18:00.
Ndryshe nga Z Mobile Prishtina, e cila garën e ka nisur mjaft mirë, rumunët në ndeshjen e parë kanë pësuar humbje të thellë në udhëtim te skuadra daneze Bakken Bears, duke u mposhtur me shifrat 64:100.
Fitorja eventuale e Prishtinës do të ishte një hap i madh drejt kalimit në rrethin tjetër të garave.
