Kupa e Kosovës, përballen Drenica – Prishtina dhe Trepça ’89 – Llapi

Është bërë tërheqja e rrethit të dytë të DigitAlb Kupës së Kosovës, në të cilën ishin përfshirë edhe klubet e IPKO Superligës.

Pikërisht në këtë rreth, kemi dy ndeshje kryesore, që u takojnë skuadrave të elitës.

Drenica në fushën e vet do ta pres Prishtinën, që njëherit është fituese e Kupës për këtë vit.

Një tjetër çift i Superligës është ai mes KEK-ut e Flamurtarit.

Ndërkohë, dueli tjetër interesant është ai mes Trepçës ’89 dhe Llapit, që luhet në Riza Lushta.

“Në praninë e presidentit Agim Ademi, e ku ishin të pranishëm edhe Bekim Rexhepi anëtar i KE të FFK-së dhe anëtarët e Komisionit të Garave, Ismet Ahmeti e Abdyl Bellopoja, sot, është bërë tërheqja e shortit për rrethin e dytë (1/32) e finales për Digitalb Kupën e Kosovës në futboll. Në këtë rreth u përfshin edhe skuadrat e IPKO Superligës, e ku tri çifte do të jenë pikërisht me skuadrat e elitës. Fillimisht të pranishmit i përshëndeti presidenti Ademi, i cili uroi klubet për garë korrekte, duke iu uruar fat në garat e kupës. Ndeshjet e këtij rrethi do të luhen më 27 nëntor”, thuhet në njoftimin e FFK-së.

Çiftet e rrethit të dytë

KEK-u – Flamurtari

Bashkimi (K) – Vëllaznimi

Sharri – Gjilani

Minatori – 2 Korriku

Istogu – Ramiz Sadiku

Drenasi – Ballkani

Kika – Vushtrria

Dukagjini – Arbëria

Vitia – Drita

Lugu i Baranit – Liria

Vllaznia (P) – Besa

Ferizaj – Vllazëria (Zh)

Fushë Kosova – Onix

Drenica – Prishtina

Trepça’89 – Llapi

Trepça – Feronikeli