Muller kërkon falje për ndërhyrjen ‘kung-fu’
Sulmuesi i Bayern Munchen, Thomas Muller ka kërkuar falje për ndërhyrjen ndaj mbrojtësit Nico Tagliafico, në ndeshjen e mbrëmshme ndaj Ajax.
‘Bavarezët’ barazuan 3 me 3 si mysafir i nënkampionit holandez, mjaftueshëm që të kalonin në raundin tjetër, ku të dy skuadrat kishin të ndëshkuar nga një lojtar me të kuq, përcjell Periskopi.
Ekipi gjerman luajti nga minuta e 75-të pa sulmuesin gjerman, që bëri një ndërhyrje horror ndaj mbrojtësit argjentinas, që fatmirësisht shpëtoi pa lëndim të rëndë.
”Unë do të doja të kërkoj falje ndaj Nico Tagliafico për incidentin e djeshëm. Nuk kisha qëllimin ta lëndoja, shërim të shpejtë”, shkroi Muller në Twitter.
Auf diesem Wege möchte ich mich bei Nico Tagliafico für den gestrigen Vorfall entschuldigen. Das war keine Absicht. Gute Besserung ?? pic.twitter.com/TsMcOxdlpi
— Thomas Müller (@esmuellert_) December 13, 2018
E menjëhershme ka qenë përgjigja e Tagliafico, i cili e ka pranuar kërkim faljen e Muller, duke treguar se është në gjendje të mirë. /Periskopi
