De Biasi: Të luajmë për të zënë këtë vend në grup

Italiani me pasaportë shqiptare thotë se të përzgjedhurit e tij duhet të luajnë sa më mirë në këtë sfidë, pasi Israelin e kanë rival për vendin e tretë.

Tutje, ai thotë se skuadra që ai drejton e ka shumë të vështirë të zë vendin e dytë, për shkak të rivalëve tejet të fortë si Spanja dhe Italia.

“Jemi mësuar të përqendrohemi te objektivi i radhës, edhe pse na ndajnë afro pesë muaj nga sfida me Italinë. E them këtë pasi Izraeli është ndeshja më e rëndësishme për Shqipërinë dhe aty duhet të jemi të përqendruar. Është rivali ynë direkt për vendin e tretë në grup. Ky është një objektiv mjaft i rëndësishëm, pa anashkaluar që më pas të realizojmë edhe diçka më tepër”, deklaroi De Biasi.

“Është e vështirë të renditemi në vendin e dytë, sepse Spanja dhe Italia kanë më tepër cilësi. Spanja është më superiore se të gjitha ekipet e grupit, ka eksperiencë të madhe ndërkombëtare dhe kualitet. Italia ka lojtarë të fort në mbrojtje, me Buffon, Chiellinin, Bonuccin e Barzaglin. Gjithashtu nëse rikuperohet maksimalisht edhe Claudio Marchisio që ka nisur të luajë, do të jetë një bllok solid i Juventusit që do ti japë më tepër cilësi ekipit”, shtoi ai. /Periskopi.com