Zyrtare: KB Prishtina merr vendim befasues, tërhiqet nga Liga Ballkanike
Z Mobile Prishtina ka marrë një vendim befasues duke u tërhequr nga Liga Ballkanike.
Ky vendim është konfirmuar nga faqja zyrtare e Ligës Ballkanike.
Arsyet e këtij vendimi duket të jenë mosmarrëveshja me Federatën e Basketbollit të Kosovës, për shkak se KB Prishtina luan në katër kompeticione, atë të Superligës, Kupës, FIBA Europe Cup dhe Ligës Ballkanike.
Ky është njoftimi i plotë i BIBL:
”Klubi basketbollistik Z Mobile Prishtina i dërgoi një e-mail zyrtare duke njoftuar se menaxhmenti i klubit nuk mund të arrijë marrëveshje me Federatën e Basketbollit të Kosovës rreth programit dhe orarit të ndeshjeve në ligën lokale, por edhe në FIBA Europe Cup e BIBL, prandaj detyrohen të tërhiqen nga BIBL”, njofton Liga Ballkanike.
Liga Ballkanike njofton po ashtu se nuk do ta detyrojë asnjë ekip të marrë pjesë në konflikt me rregullat, andaj e respekton vendimin e klubit kosovar.
Është vendim i KB Z Mobile Prishtina që të tërhiqet nga BIBL dhe ne e pranojmë kërkesën e tyre”, përfundon Liga Ballkanike, e cila i uron suksese Prishtinës në ligën vendore dhe në kompeticionet e FIBA-s”. /Periskopi
