30 mijë karrigie të zbrazura, fërshëllima për trajnerin – çfarë po ndodh me Realin?

Pothuajse 30,000 vende të lira në ‘Santiago Bernabeu’ në ndeshjen ndaj Sociedad treguan historinë e sezonit deri më tani për Real Madridin. 

Humbja 2 me 0 ndaj Sociedad thelloi zemërimin e tifozëve. Ata janë jashtë zonës Champions dhe 10 pikë pas udhëheqësve të Barcelonës, përcjell Periskopi.

Santiago Solari ka humbur besimin që kishte disa muaj më parë. Ai u sulmua nga Marca javën e kaluar pasi tha: ”Nuk duhet të nënvlerësojmë barazimet”.

Dje, të gjithë do ishin të gëzuar po të kishte marrë Reali një barazim, që sipas trajnerit është i kënaqshëm, por as ajo nuk ndodhi.

”A është ky fundi i një epoke?” Sergio Ramos u pyet pas ndeshjes. ”E pra kemi fituar një tjetër trofe, pak më shumë se një javë më parë”, u përgjigj kapiteni.

A do ta këndellte Realin një trajner si Jose Mourinho?

Ndoshta. Ndoshta sepse strategjia e portugezit mund ta bënte që ‘Galaktikët’ të shfaqeshin me një fytyrë të re… apo të dështonin, sikur me trajnerët paraprakë.

Frika e vetme është marrëdhënia e ngjeshur e Mourinhos me lojtarët, çka po e penalizon rikthimin e tij në ‘Bernabeu’. /Periskopi