Trajneri i Bayernit i lumtur me mesfushorin kosovar Shabani
Maritan Shabani është ndër lojtarët e rinj shqiptarë që luajnë në ligën elitare së Bundesligës.
Mesfushori shqiptar është pjesë e skuadrës më të madhe gjermane të Bayhern Munichut.
Rreth cilësisë së lojtarit ka folur së fundi edhe trajneri i ekipit, kroati Niko Kovac, i cili ka lavdëruar lojtarin.
“Hasan Salihamixhiq merret me transferimet, por Meritani është duke u zhvilluar mirë. Jam i lumtur. Ai ka luajtur shumë ndeshje për ekipin e të rinjve”, ka thënë Kovac për “welt.de”.
Javën e kaluar është raportuar prej medieve holandeze se për shërbimet e 19-vjeçarit është interesuar skuadra e madhe e Ajaxit.
Theksojmë se futbollisti këtë edicion për ekipin e parë të gjigantit gjerman ka luajtur dy ndeshje, një në Bundesligë dhe një në Kupën gjermane.
Ndryshe, ai ka kontratë të vlefshme me bavarezët deri në qershor të vitit 2020.
