Liverpool me vështirësi për tre pikë, Manchester United nuk ndalet së fituari (VIDEO)

Liverpool ka marrë fitore tejet të vështirë, por me vlerë tre pikë. 

‘Të Kuqtë’ mposhtën në Anfield 4 me 3 Crystal Palacen, e cila javë më parë befasoi edhe Manchester Cityn.

Pjesa e parë përfundoi me avantazhin e mysafirëve, falë golit të Townsend (34′).

Me të nisur pjesa e dytë, Mohamed Salah (47′) dhe Roberto Firmino (53′) përmbysën rezultatin në favorin e vet.

Por ku mendohej se Liverpool do të shënonte tjetër gol, mbrojtësi Tomkins (65′)  baraspeshoi edhe njëherë gjërat.

Për ta eikthyer epërsinë e L’pool u përkujdes Mohamed Salah (75′), i cili arriti kuotën e 50 golave në Premier Ligë.

Deri në fund, James Milner (89′) u ndëshkua me kartonin e dytë të verdhë, ndërsa Sadio Mane (90+3′) shënoi për 4 me 2.

Max Meyer (90+5′)  vulosi rezultatin 4 me 3.

Pas kësaj fitoreje, Liverpool mbetet në vendin e parë me 60 pikë, kur ekipi i Hodgson në vendin e 14 me 22 pikë.

Ndërkohë, Manchester United vazhdon të mbetet i pamposhtur me trajnerin Ole Gunnar Solskjaer.

‘Djajtë e Kuq’ arritën edhe fitoren e shtatë rradhazi duke e mposhtur në shtëpi Brightonin 2 me 1.

Pjesa e parë i takoi tërësisht Unitedit, që shënuan dy golat nëpërmjet Paul Pogbas (27′) dhe Marcus Rashford (42′).

Deri në fund krejt çka bëri ekipi mysafir ishte shënimi i golit, nga Gros (72′).

United tashmë ngjitet në vendin e pestë me 44 pikë, ndërsa Brighton në vendin e 13 me 26 pikë. /Periskopi