Barcelona pranë transferimit të mesfushorit holandez
De Jong pranë transferimit
Futbollisti holandez është edhe një hap më pranë transferimit në Camp Nou.
Agjenti i Frenkie de Jong, Ali Dursun, u ktheu përgjigje PSG-së dhe Manchester City-t, klube që gjithashtu janë interesuar seriozisht për të siguruar shërbimet e 21-vjeçarit. “Faleminderit për interesimin, por ai shkon tek Barcelona”, tha Dursun, transmeton Periskopi.
El Mundo Deportivo, gazetë e afërt me klubin katalanas, zbulon se një delegacion i kryesuar nga vetë presidenti Josep Maria Bartomeu, është nisur drejt Amsterdamit pak ditë më parë, duke bindur futbollistin t’i bashkohej Barçës, ndonëse ai ishte pranë nënshkrimit me PSG.
De Jong është bindur t’i thoshte përfundimisht “po” Barcelonës, nga stili i lojës së “blaugranave”, që u përshtatet shumë karakteristikave të tij.
Ajaxi nuk heq dorë nga kërkesa prej 75 milonë eurosh, për një talent që majin e ardhshëm do të mbushë 22-vjeç.
Zyrtarizimi mund të vijë shumë shpejt, kështu që në Camp Nou nisën përgatitjet për të pritur një yll në ngjitje të futbollit holandez./Periskopi/
