Bayern konfirmon nëse Coman do të jetë i gatshëm për Liverpoolin

Bayern Munich ka konfirmuar se anësori Kingsley Coman është në dispozicion për t’u përballur me Liverpoolin në ndeshjen e Ligës së Kampionëve të së martës.

Francezi ishte në dyshim të madh për takimin e parë në Anfield pasi u lëndua në ndeshjen e Bundesligës me Augsburg mbrëmë.

Duke folur për Eurosport pas ndeshjes, trajneri Niko Kovac shprehu shqetësimin e tij duke thënë: “Nuk duket mirë, do të duhet ta shqyrtojmë nesër për të konfirmuar gjithçka”, përcjell Periskopi.

Por, pas testeve të shtunën në mëngjes, problemi ka dalë të jetë vetëm një çështje e vogël, ndërsa Bayern konfirmon se do të jetë në dispozicion për të luajtur kundër ‘Të Kuqëve’.

Nëpërmjet një komunikate zyrtare nga klubi gjerman, është konfirmuar se Coman do të jetë i gatshëm për ndeshjen e rëndësishme në Ligën e Kampionëve. /Periskopi/