Mes golave të bukur dhe spektaklit, United fiton në fund, City vazhdon presionin ndaj Liverpool (VIDEO)

Manchester United ka shënuar fitore të rëndësishme në ‘Teatrin e Ëndrrave’ duke mposhtur 3-2 Southamptonin. 

Tashmë faza interesante e sezonit veç ka filluar në Premier Ligë, ndërsa ‘Djajtë e Kuq’ arritën të merrnin tre pikë nga përballja me Sotton, që prodhoi plotë gola fantastik.

Fillimisht, Yann Valery (26′) kaloi në epërsi mysafirë me një gol që ishte e pambrojtur për De Gean. Me këtë rezultat përfundoi gjysma e parë.

Në të dytën Unitedi ndërroi krejtësisht fytyrën. Andreas Pereira (53′) me golin më të bukur deri tani këtë javë baraspeshoi gjithçka, ndërsa Romelu Lukaku (59′) kompletoi rikthimin sensacional brenda pak minutave.

Ward-Prowse (75′) nga gjuajtja e lirë befasoi dhe vuri rezultatin sërish në baraspeshë.

Fitoren ekipit të Solskjaer i garantoi sulmuesi tashmë në formë, Romelu Lukaku (89′), që shënoi golin e dytë personal këtë ndeshje. Belgu mund ta komplentote het-trikun, por në fund Paul Pogba vendosi ta godiste penalltinë, të cilën e huqi.

United ngjitet në vendin e katërt me 58 pikë, kurse Southampton në vendin e 17 me 27 pikë.

Javën e ardhshme, Manchester United luan derbin ndaj Arsenal, kurse Sotton pret në shtëpi Tottenhamin.

Five to go… gonna have to grind this one out, boys! ?

? 0-1 ? #BOUMCI #mancity pic.twitter.com/cJPCbwdZeR

— Manchester City (@ManCity) March 2, 2019

Në anën tjetër, Manchester City arriti fitore minimale si mysafir i Bournemouth.

Goli i Riyad Mahrez (55′) i dha vendin e parë përkohësisht ‘Qytetarëve’ me 71 pikë, teksa Liverpool nesër luan ndeshje mjaft të vështirë ndaj Everton si mysafir.

Ekipi i Guardiolas ndeshjen tjetër luan në ‘Etihad’ ndaj Watford. /Periskopi/