Vjen befasia e 2019-tes, Guardiola te Juventusi?

Pep Guardiola njoftohet se ka rënë dakord të bëhet trajneri i Juventusit në fund të sezonit me të njejtin gazetar që ka dhënë lajmin për transferimin e Cristiano Ronaldos verën e kaluar duke thënë se ai tashmë ka marrë një marrëveshje verbale me ‘Zonjën e Vjetër’.

Pep Guardiola më herët kishte folur se sa e vështirë është të qëndrosh në një klub për një kohë të gjatë, pasi lojtarët të dëgjojnë gjithmonë dhe ju t’i futni gjithmonë idetë tuaja në ekip.

Kjo është arsyeja pse spanjolli qëndroi vetëm katër vjet në Barcelonë dhe pse ai u largua nga Bayern Munchen pas vetëm tre viteve, përcjell Periskopi.

Guardiola është tani në sezonin e tij të tretë te Manchester City, ndërsa gjërat janë duke shkuar mirë dhe ai është i lumtur që mund të ketë pyetje se sa kohë do të qëndrojë.

Sipas një raporti në Itali nuk do të jetë aspak shumë gjatë. Gazetari italian Luigi Guelpa, njeriu që së pari ka raportuar se Cristiano Ronaldo do të bashkohet me Juventusin, raporton se Guardiola do të shkojë në ‘Zonën e Vjetër’ në verë, duke u thënë Radio CRC:

””Unë kam mësuar se Pep Guardiola tashmë ka arritur një marrëveshje verbale me Juventusin për katër vitet e ardhshme. Është i njëjti person që më tha se Ronaldo po shkonte te Juventusi”.

Kujtojmë se ish-trajneri i Barcelonës ka nënshkruar kontratë të re me Cityn vitin e kaluar, çka do ta mbajë atë në ‘Etihad’ deri në edicionin 2020/21. /Periskopi/