E përçudshme: Asistenti i Lampardit i thotë fansit kosovar “hey Giroud”

Është ndjenjë e papërshkrueshme për çdo fans ta vizitojë stadiumin e skuadrës së tij të zemrës.

Në pamundësi për të udhëtuar për shkaqe të ndryshme, për vite të tëra fansat kosovarë më së afërmi që kanë mundur të jenë me idhujt e tyre ka qenë përmes televizorit, shkruan Periskopi.

Por fat tjetër ka pasur fansi, Granit Tërstena, i cili pati mundësi ta shikojë nga afër ndeshjen miqësore mes skuadrës për të cilën ai bën tifo, Chelseat kundër Red Bull Salzburgut.

Sikur kjo nuk ishte arsye e mjaftueshme ngazëllimi, ai ka përjetuar edhe një moment tjetër që do ta mbajë mend gjatë dhe ndoshta nuk do ta harrojë kurrë.

Përmes një postimi në Twitter, ai ka zbuluar se në fakt asistent-trajneri i parë i Chelseat, Jody Morris, e ka ngatërruar atë me yllin e “Të Kaltërve”, Olivier Giroud.

The moment when Jody Morris, Chelsea’s first team assistant coach called me “Hey Giroud”…?✌#cfc @morriskid pic.twitter.com/G8xLsy5PEy

— Granit Tërstena? (@terstenagranit) July 31, 2019

E vështirë ta fajësojmë atë pasi ngjashmëria e Granitit me yllin francez është evidente.

“Hey Giroud” janë fjalët me të cilat ai i është drejtuar fansit kosovar.

Nuk kemi informacione tjera pwr rrjedhën e ngjarjeve pas atyre fjalëve, por “hej Granit” mos hezito të na zbulosh detaje shtesë me ndonjë postim tjetër. /Periskopi.com/