Edi Rama ka rrëfyer për dizejnimin e fanellave të Kombëtares
Fanellat e Shqipërisë morën lëvdata për mënyrën e estetizimit të shqiponjës dykrenare. Pas fitores historike ndaj Rumanisë, u bë i ditur një fakt i jashtëzakonshëm.
Ideja për këtë imazh ishte dhënë nga kryeministri i Shqipërisë, Edi Rama. Për Klan Kosovën, Rama ka treguar rrethanat që sollën tek ideja e stilizimit të shqiponjës.
“Unë e kam pasur privilegjin e madh ta vesh fanellën e Kombëtares dhe ia njoh peshën që ka mbi lëkurë bluza kuqezi, e cila me siguri, rëndohet ende më shumë sa më lart ngjitesh në të përpjetën e kompeticioneve ndërkombëtare” ka thënë kryeministri Rama.
