Policia flet mbi dyshimet për mjetin shpërthyes tek Kazerma ”Adem Jashari”
Policia e Kosovës ka konfirmuar se në afërsi të Kazermës ”Adem Jashari”, një qytetar dyshohet të ketë hasur në një mjet të dyshimtë.
”Raportohet se një qytetar në Prishtinë, dyshohet të ketë hasur në një mjet të dyshimtë, dhe i njëjti e ka marr mjetin dhe me automjetin e tij (në bagazh ) e ka dërguar për ta dorëzuar tek Forca e Sigurisë së Kosovës. Janë informuar të gjitha njësitet relevante dhe Policia është në vendin e ngjarjes. Rasti po trajtohet nga kompetentët dhe nuk ka arsye për shkaktim të ndonjë forme të panikut apo shqetësimi për qytetarët”, ka thënë Daut Haoxha për Klan Kosova.
Ndërsa, të gjithë personat që vijnë nga Fushë Kosova në drejtim të Prishtinës do të përballen me kolona të gjata.
