Drunj dashurie për çiftet e reja në Prishtinë

Ky projekt do të realizohet nga Komuna e Prishtinës dhe ka për qëllim shtimin e hapësirave të gjelbra në kryeqytet, njofton Klan Kosova.

Lajmi është bërë i ditur nga drejtori i Administratës së Prishtinës, Muhedin Nushi, në emisionin “Ju flet Prishtina”, në Klan Kosova.

Ai deklaroi se për pak ditë të gjithë çiftet e sapomartuar do të kenë të drejtën të mbjellin drurin e jetës së tyre.

Përveç kësaj çiftet të cilët do ta mbjellin drurin e tyre të dashurisë, do njoftohen përmes një aplikacioni telefonik për gjendjen e pemës të tyre.

Lokacioni ku është zgjedhur për t’u realizuar ky projekt është hyrja e qytetit në Veternik.