PDK: Jakup Krasniqit duhet t‘i vijë turp për fyerjen e qytetarëve të Drenasit
“Jakup Krasniqi, i cili ka përfituar dhe fituar më së shumti në kurriz të mbështetjes së votuesve të Drenasit sonte i quajti qytetarët e Drenasit hajna dhe manipulues. Por, Drenasi me votën e lirë demokratike sot do t’ju thotë jo pikërisht hajnave që e kanë vjedhur shtetin e tyre për shtëpi shumëkatëshe e pasuri përrallore”, ka thënë Berisha, transmeton Koha.net.
Ai ka thënë se Krasniqit duhet t’i vijë turp për akuzat dhe përpjekjet e ulëta për të njollosur procesin fer dhe demokratik që treguan në këto zgjedhje qytetarët e Drenasit.
Berisha ka ftuar prokurorinë dhe organet e rendit që të hetojnë dhe ndriçojnë akuzat e bëra nga Krasniqi.
