Afati i Trump për Iranin, kryeministri pakistanez propozon armëpushim, reagon Shtëpia e Bardhë
Kryeministri pakistanez Shehbaz Sharif u ka kërkuar palëve ndërluftuese të respektojnë një armëpushim dyjavor për të “lejuar diplomacinë të arrijë përfundimin e luftës” në një postim në X.
Ai i ka kërkuar gjithashtu Presidentit të SHBA-së Donald Trump të zgjasë afatin e tij ndaj Iranit me dy javë dhe që Irani të rihapë Ngushticën e Hormuzit gjatë asaj periudhe dyjavore.
Pas propozimit të kryeministrit pakiztanez, nuk ka vonuar as reagimi i Shtëpisë së Bardhë.
Shtëpia e Bardhë tha se Presidenti Donald Trump është njoftuar për armëpushimin dyjavor të propozuar nga kryeministri pakistanez Shehbaz Sharif për të lejuar vazhdimin e negociatave diplomatike midis SHBA-së dhe Iranit, duke shtuar se “do të vijë një përgjigje nga presidenti”.
“Presidenti është njoftuar për propozimin dhe një përgjigje do të vijë”, tha sekretarja e shtypit e Shtëpisë së Bardhë Karoline Leavitt për CNN në një deklaratë.
