Agim Aliu: Ferizaj po nxjerr talente që po e nderojnë Kosovën në arenën ndërkombëtare
Kandidati i PDK-së për kryetar të Ferizajt, Agim Aliu, ka pritur në zyrën e tij futbollisten e re ferizajase, Noaura Llabjani, për ta përgëzuar për suksesin e saj të madh në sportin e futbollit.
Llabjani, e cila pasionin për futbollin e nisi që në moshën 8-vjeçare, është përzgjedhur si e vetmja futbolliste nga Klubi i Futbollit “Ferizaj” për të përfaqësuar Kosovën në kategorinë U15 në turneun zhvillimor të UEFA-së, që do të mbahet në Shqipëri. Në këtë garë, Kosova – Vajzat U15 do të përballet me Moldavinë, Estoninë dhe Shqipërinë.
Aliu tha se ky sukses është dëshmi e potencialit të madh që ka rinia e Ferizajt dhe se mbështetja e sportit do të jetë pjesë e prioriteteve të tij.
“E prita Noaurën në zyrën time për ta përgëzuar për këtë arritje të saj, si dhe për t’i ofruar gjithë mbështetjen tonë në rrugëtimin e saj sportiv. Ferizaj do të vazhdojë të mbështesë talentet e reja që po e nderojnë qytetin dhe shtetin tonë,” ka theksuar Aliu.
Postimi i plotë:
