Agjenda e takimeve në Bruksel, shefi i ri i Këshillit Evropian sot pret liderët e Ballkanit Perëndimor

Agjenda e takimeve në Bruksel, shefi i ri i Këshillit Evropian sot pret liderët e Ballkanit Perëndimor
03 Dec, 10:42

Kryeministri i Kosovës, Albin Kurti do të jetë gjatë ditës së sotme në Bruksel. Kjo vizitë e tyre në Bruksel vjen me ftesë të Përfaqësueses së Lartë për Politikë të Jashtme dhe Siguri të Bashkimit Evropian, Kaja Kallas.

Kurti sot pritet të takohet edhe me Presidentin e ri Këshillit Evropian, Antonio Costa, shkruan gazeta online Reporteri.net.

Presidenti i ri i Këshillit Evropian, Antonio Costa, do t’i takojë liderët e Ballkanit Perëndimor. Sipas agjendës së publikuar në faqen zyrtare të BE-s, Presidenti i KE-së, Antonio Costa fillimisht do të pres në takim kreun e qeverisë shqiptare, Edi Ramën me fillim nga ora 17:00. Ndërsa nga ora 18:30 ai do të pres për takim Kryeministrin e Kosovës, Albin Kurti.

Në ora 20:00, sipas agjendës do të zhvillohet takimi me liderët e Ballkanit Perëndimor.

Në Bruksel prezent do të jetë edhe presidenti serb, Aleksandar Vuçiq. Vuçiq pak minuta më parë tha se e pret një ditë e vështirë, pasi do të ketë takime me të gjithë zyrtarët e sapoemëruar të BE-së.

Ani pse në agjendën nuk figuron takimi me Presidentin serb, Vuçiq konfirmoi pjesëmarrjen e tij në Bruksel dhe takimin me Presidentin e KE-së.

Shpërndaje në:
Të Fundit
Nis seanca e jashtëzakonshme e Kuvendit të Kosovës
10 Apr, 17:19
“A po shtrembërohet historia e Kosovës?” – Hashim Thaçi flet nga burgu për gazetën e famshme gjermane
10 Apr, 17:04
Kos: Brukseli gjithnjë e më i shqetësuar për Serbinë, po vlerësohen pagesat e reja
10 Apr, 16:58
Kurti mbledh online qeverinë, merr këto vendime
10 Apr, 16:43
Udhëto direkt me PrishtinaTicket nga Geneva në Prishtinë
10 Apr, 16:24