Aktivistja dhe aktorja që garon për Deçanin
Rajmonda Ahmetaj është e lindur më 15 gusht 1988 në Isniq. Ka mbaruar studimet në Fakultetin Ekonomik të Universitetit të Prishtinës, drejtimi Banka, Financa dhe Kontabilitet dhe po ashtu Fakultetin e Arteve, dega Aktrim.
Ajo është në përfundim të studimeve për master në degën e aktrimit në Universitetin e Prishtinës.
Angazhimi i saj me Lëvizjen Vetëvendosje ka nisur me çështjet e universitetit të cilat ishin ngritur nga organizata studentore për Barazi STUDIM KRITIKË VEPRIM në vitin 2011.
Ka marrë pjesë në shumë filma e shfaqje teatrore.
Ka punuar në “ASHA” si financiere ndërsa një kohë ka qenë e angazhuar në Sekretariatin për Media në Lëvizjen Vetëvendosje.
Rajmonda flet gjuhën angleze dhe atë gjermane.
Aktualisht është duke punuar si zyrtare për marrëdhënie me publikun në Ndërmarrjen Publike Banesore.
