Alonso para mediave: Nuk po vi në Madrid me kërkesa, por me dëshirë për të punuar

Trajneri më i ri i Real Madridit, Xabi Alonso foli për shtypin pasi nënshkroi me klubin madrieln edhe për tre sezonet e ardhshme.

Alonso tha se ndihet krenar dhe ndjen përgjegjësi e emocione për t’u rikthyer në shtëpi.

“Nuk do të mërzitem, kërkesat pasqyrojnë në mënyrë brilante gjithçka që Carlo arriti. Është një sfidë, por ne duam të bëjmë gjëra që frymëzojnë dhe entuziazmojnë madridistin. Kjo është ajo për të cilën unë dhe stafi im i trajnerëve po vijmë këtu. Jam i sigurt se kemi energjinë për të na dhënë shtysën shtesë që na nevojitet.”

Ai u përgjigj se çfarë i duhet atij për të përmirësuar ekipin e Madridit.

“Kam bërë një analizë të ekipit, por do ta përdor atë për të informuar idetë që kam dhe projektin që po ndërmarr. Si trajnerë, ne varemi nga lojtarët dhe ata janë në nivelin më të lartë. Sfida është të ndërtojmë një ekip dhe t’i bëjmë të gjithë të lëvizin në të njëjtin drejtim. Kjo do të jetë një forcë tepër e fuqishme”, tha Alonso, transmeton Klankosova.tv

Spanjolli theksoi se nuk shkoi në Madrid me kërkesa por me dëshirë për të punuar.

“Është detyra jonë të përpiqemi të përmirësohemi në çdo aspekt. Që nga momenti që marr përsipër detyrën si  trajner i Real Madridit, vizioni im është të gjej një konsensus me klubin. Ky është një skuadër fantastike dhe mezi pres të filloj të punoj me lojtarët. Nuk po vij këtu me një sërë kërkesash, por me dëshirën për të punuar shumë.”/Periskopi/