Ardian Gjini takon Shoqërinë Civile: Vetëm bashkë mund ta çojmë Gjakovën përpara
Kandidati i AAK-së për kryetar të Komunës së Gjakovës, Ardian Gjini, ka zhvilluar një takim përmbajtësor me përfaqësues të organizatave të Shoqërisë Civile në qytet. Në këtë takim u diskutuan mënyrat për të forcuar bashkëpunimin mes institucioneve komunale dhe sektorit civil, me qëllim që të trajtohen më me efikasitet nevojat dhe sfidat e qytetarëve.
Gjini theksoi se përvoja dhe angazhimi i organizatave lokale janë thelbësore për zhvillimin e komunës.
“Vetëm bashkë, me dialog dhe bashkërendim, mund ta çojmë Gjakovën përpara. Qytetari është në qendër të çdo vendimi tonë,” u shpreh Ardian Gjini.
