Atletico Madrid në finale të Europa League, s’ka trofe për Wengerin (Video)
Atletico Madrid ka kaluar në finale të Europa League pasi mposhti Arsenalin me rezultat të përgjithshëm 2:1
Skuadra spanjolle fitoi me rezultat minimal 1:0 në ndeshjen e dytë gjysmëfinale dhe kështu preu biletën për finalen e cila do të mbahet në Lyon më 16 maj, transmeton Periskopi.
Golin e fitores për Atleticon e shënoi Diego Costa në minutën e 45-të.
Arsenali pati disa raste në këtë takim, por nuk ia dolën të shënojnë dhe kështu Wenger do të përshëndetet me klubin pa trofe në sezonin e fundit.
Ndeshja tjetër mes Salzburg dhe Marseille ka përfunduar 2:0 dhe rezultati i përgjithshëm nga të dy ndeshjet tani është 2:2, derisa loja ka shkuar në vazhdime.
Kujtojmë që te Salzburg po luan mesfushori kosovar, Valon Berisha./Periskopi/
