Kandidati i AAK-së për kryetar të Suharekës, Bali Muharremaj, ka vizituar shoqatat e dala nga Lufta e Ushtrisë Çlirimtare të Kosovës, ku ka theksuar se respekti dhe nderimi për luftën çlirimtare janë obligim i përhershëm institucional dhe moral.

Ai ka kujtuar se dikur, si shokë të luftës, kishin shumë ëndrra për të ardhmen e vendit, ndërsa tani përgjegjësia e tyre është që për brezat që vijnë të bëjnë më të mirën për Kosovën. Muharremaj është zotuar se në mandatin e ardhshëm do të vazhdojë kontributin institucional për përkrahjen e veteranëve dhe ruajtjen e vlerave të UÇK-së.