Etrit Berisha pritet ta nisë takimin që do të luhet në Bergamo qysh nga minuta e parë, teksa trajenri Gasperini e ka projektuar si titullar.Që portieri shqiptar të jetë titullar te Atalanta nuk është ndonjë lajm i ri, por Berisha vjen pas një dëmtimi që e mbajti jasht në ndeshjen e javës së kaluar në transfertë kundër Romës.

Tani duket se “gardiani” kuqezi është rekuperuar plotësisht dhe do të rimarrë vendin e tij në katërkëndëshin e skuadrës bergamaske, e cila ditën e sotme luan një ndeshje të rëndësishme për të arritur objektivin e madh për të marrë pjesë në Ligën e Evropës.

Etrit Berisha është një nga pikat më të forta të kësaj skuadre dhe padyshim që rekuperimi i tij për ndeshjen ndaj Bolonjës ka gëzuar stafin teknik duke parë se portieri shqiptar jep një garanci më shumë për mbrojtjen kur është në fushë.