Berisha një ndër pesë portierët më të mirë në Itali
Etrit Berisha ia ka parë hairin huazimit të tij te Atalanta nga Lazio.
E pas huazimit, reprezentuesi i Kombëtares së Shqipërisë ka qenë fantastik në disa ndeshje.
Kësisoj ai është vlerësuar shumë në Itali dhe është futur në mesin e pesë portierëve më të mirë.
Në pozitën e parë ndodhët reprezentuesi polak dhe portieri i Romës, Woijchech Szczesny që ka mbajtur portën e pa prekur në 14 ndeshje.
Pozitën e dytë e ndajnë ai i kampionit aktual, Juventusit, Gianluiggi Buffon dhe portieri i Fiorentinës, Ciprian Tatarusanu me nga 12 ndeshje.
Ndërkohë Etrit Berisha dhe Gianluiggi Donnarumma kanë mbajtur portat e pa prekura në 11 ndeshje.
Berisha ende nuk e di të ardhmen e tij pasi është vetëm i huazuar te Atalanta nga Lazio.
Gjithsesi dy klubet do të vendosin në muajin qershor për një transferim të plotë të Berishës në Bergamo për një vlerë prej pesë milionë euro.
