Beyonce shpallet miliardere: Këngëtarja e pestë me pasuri 10-shifrore
Beyonce është shpallur miliardere nga revista Forbes, duke e bërë atë muzikanten e pestë që i bashkohet listës së personave më të pasur në botë.
Pasuria neto e yllit amerikan është vlerësuar në 2.5 miliardë dollarë (1.85 miliardë paund), një shifër që e vendos atë krah emrave të njohur si Taylor Swift, Rihanna, Bruce Springsteen, dhe bashkëshorti i saj Jay-Z, të gjithë të listuar për një pasuri që kalon miliardin.
Më herët këtë muaj, Forbes vlerësoi pasurinë e Beyoncé në 800 milionë dollarë (593 milionë paund), duke parashikuar që ajo do të arrinte pragun e miliardit pas suksesit të saj të madh në industrinë e muzikës.
Një nga faktorët kryesorë që e ndihmuan Beyoncé-n të arrinte këtë nivel është turneu i saj global “Renaissance” në vitin 2023, i cili gjeneroi gati 600 milionë dollarë dhe e bëri atë një nga ikonat më të mëdha të muzikës pop në botë, së bashku me Swift-in.
Ky turne gjithashtu i mundësoi asaj të shndërrohej në një figure të rëndësishme jo vetëm në muzikë, por edhe në industrinë e filmit, duke prodhuar një film të performancës që fitoi miliona dollarë.
Përveç suksesit të turneut, Beyoncé shpërndau një film të performancës të koncertit të saj përmes një marrëveshjeje me AMC, duke fituar gati gjysmën e fitimeve globale prej 44 milionë dollarësh (33 milionë paund).
Albumi i saj i vitit 2024, “Cowboy Carter”, që eksploron rrënjët e muzikës country dhe kontekstualizon ndikimin e kulturës së zeze, u prit me vlerësime të shkëlqyera dhe fitoi çmimin për “Albumin e Vitit” në Grammy Awards – çmimi i parë i këtij lloji për Beyoncé-n pas katër nominimesh të mëparshme.
Forbes vlerëson gjithashtu se turneu i “Cowboy Carter” grumbulloi më shumë se 400 milionë dollarë nga shitjet e biletave dhe 50 milionë dollarë të tjerë nga mallrat e shitur gjatë shfaqjeve./Periskopi/
