Brazili favorit për ta fituar për të gjashtën herë Kupën e Botës (Foto)

Brazili synon që ta fitojë Kupën e Botës për herë të gjashtë në histori

Kombëtarja e Brazilit është e vetmja që ka marr pjesë në çdo Kampionat Botëror dhe gjithashtu është më e suksesshme pasi ka fituar pesë herë trofeun e çmueshëm, shkruan Periskopi.

Brazili me plotë yje në skuadrës si Neymar, Coutinho, Jesus e Marcelo është favorit për ta fituar Kupën e Botës.

Vlera e kësaj Kombëtare është 952 milionë euro, ndërsa lojtarët më të shtrenjtë sipas ‘Transfermarkt’ janë Neymar 150 milionë euro dhe Coutinho 100 milionë euro.

‘Seleçao’ janë në Grupin E me Zvicrën, Serbinë dhe Kosta Rikën.

Këta janë 23 lojtarët e ftuar nga selektori i Brazilit, Tite:

Portierë: Alisson (Roma), Ederson (Manchester City), Cassio (Corinthians).

Mbrojtës: Danilo (Manchester City), Fagner (Corinthians), Marcelo (Real Madrid), Filipe Luis (Atletico Madrid), Thiago Silva, Marquinhos (both PSG), Miranda (Inter Milan), Pedro Geromel (Gremio).

Mesfushorë: Casemiro (Real Madrid), Fernandinho (Manchester City), Paulinho (Barcelona), Fred (Shakhtar Donetsk), Renato Augusto (Beijing Guoan), Philippe Coutinho (Barcelona), ëillian (Chelsea), Douglas Costa (Juventus).

Sulmues: Neymar (PSG), Taison (Shakhtar Donetsk), Gabriel Jesus (Manchester City), Roberto Firmino (Liverpool).

Formacioni i mundshëm i Brazilit:

Tite pritet që të luajë me formacionin sulmues 4-3-3.

Në portë do të jetë Alisson. Mbrojtja pritet të përbëhet nga Miranda, Marquinhos në qendër dhe Danilo dhe Marcelo në krahë.

Mesfusha do të jetë e fuqishme me lojtarë si Paulinho, Casemiro dhe Fernandiho, ndërsa faza ofanzive do të jetë me Neymar dhe Coutinho në krahë derisa në qendër të sulmit do të jetë ylli i Cityt, Gabriel Jesus.

Cili lojtar do të befasojë për të mirë në ‘Rusi 2018’?

Të gjithë brazilianët presin më së shumti nga Neymar, por befasia pritet të jetë Paulinho.

Mefushori i Barcelonës ua mbylli gojën kritikëve kur kaloi nga Guangzhoi te gjiganti katalunas dhe kaloi një edicion fantastik me skuadrën e Ernesto Valverdes.

Paulinho është fizikisht i përgatitur mjaftë mirë dhe pritet që të jetë shtylla e mesfushës së Brazilit.

Cili lojtar mund të zhgënjejë?

Philippe Coutinho nuk u adaptua leht te Barcelona, ndërsa Liverpooli luajti mirë edhe pa të në gjysmën e sezonit. Arsyeja pse mund të zhgënjejë Coutinho është se ai do të luajë në krahun e djathtë që nuk është pozitë e preferuar e tij.

Cilat janë gjasta e Brazilit në Kupën e Botës dhe parashikimi se sa larg mund të shkojë kjo Kombëtare?

Brazili do të luajë për ta fituar titullin. Ka skuadra ndoshta më të fuqishme si Franca, Spanja e Gjermania, por ‘Seleçao’ janë në mesin e favoritëve. Ata janë në Grupin E me Zvcrën, Serbinë dhe Kosta Rikën ku janë favorit për të përfunduar në vendin e parë dhe më pas do të nis rrugëtimin drejt titullit të gjashtë në histori të Kupës së Botës. /Periskopi/