Chicago drejt play off-it , Boston ngec sërish
Chicago Bulls bën një hap përpara drejt një vendi në play off, pas fitores 102-90 arritur sot në fushën e Philadelphia, ndeshje e dominuar nga miqtë.
Mirotic realizoi 22 pikë, por më i miri për miqtë ishte Butler me 19 pikë, 10 rebaund e 10 asist. Një fitore në sekondat e fundit arriti Washington, që mposhti 106-103 New York jashtë fushe, sfidë emocionuese deri në fund.
Dyshja Beal-Wall realizuan së bashku 49 pikë, duke vendosur fitoren për skuadrën mike.
Në play off shkon edhe Atlanta, që mundi 123-116 Boston, që pësoi humbjen e dytë radhazi në kampionat, por të dyja ekipet janë të kualifikuara raporton telesport.
Ndeshje e mirë për Millsap, që realizoi 26 pikë për Atlantën, duke i bërë të pavlefshme 35 pikët e Thomas. Fiton edhe Orlando, që mundi 115-107 Brooklyn, sfidë mes dy ekipesh që janë të eliminuara nga gara.
Payton me 22 pikë e 11 asist ishte lider për vendasit në këtë përballje.
REZULTATET E SOTME
Indiana – Milwaukee, 104-89
Orlando – Brooklyn, 115-107
Philadelphia – Chicago, 90-102
New York – Washington, 103-106
Atlanta – Boston, 123-116
Portland – Minnesota, 105-98
