Deçan: Nxënësi 11 vjeçar sulmohet nga një burrë, arrestohet i dyshuari

Një nxënës 11-vjeçar është sulmuar fizikisht nga një burrë.

Ngjarja e rëndë ka ndodhur në një shkollë në fshatin Dranoc të Deçanit, derisa motivet ende nuk dihen.

Rasti u konfirmua nga Shkodran Nikçi, zëdhënës i Prokurorisë Themelore të Pejës.

“Është identifikuar personi i dyshuar dhe i njëjti është ndaluar për 48 orë. Lidhur me rastin kanë nisur hetimet”, deklaroi ai për Klankosova.tv.

I mituri ka marrë tretman mjekësor dhe është jashtë rrezikut për jetën.

Ky zhvillim ka shkaktuar shqetësim tek prindërit dhe komuniteti.