Dhjetë transferimet më të shtrenjta në histori të Chelseat, Rudiger bëhet i dyti (Foto)
Antonio Rudiger ka përfunduar me sukses sot (e diel) transferimin e tij nga Roma te Chelsea për 34 milionë funte apo rreth 39.4 milionë euro, duke u bërë futbollisti i dytë më i shtrenjtë në histori të Bluve.
Chelsea njihet si skuadër e cila ka shpenzuar dhe shpenzon shumë në afrimin e futbollistëve cilësor, sidomos pas marrjes së klubit nga miliarderi rus, Roman Abramovich.
Të tillë janë, Fernando Torres, i cili erdhi nga Liverpoolit në vitin 2011 dhe është transferimi rekord i klubit, ndërsa befasues ishin edhe transferimi i Andriy Shevchenkos nga Milani dhe ai i Cesc Fabregasit nga Barcelona.
Portali i njohur “Goal.com” ka bërë një përmbledhje të 10 transferimeve më të shtrenjta në histori të Chelseat, ndërsa Telegrafi ua sjell më poshtë ato.
Fernando Torres – Nga Liverpooli për 50 milionë funte
Antonio Rudiger – Nga Roma për 34 milionë funte
David Luiz – Nga PSG për 34 milionë funte
Michy Batshuayi – Nga Marseille 33.2 milionë funte
N’Golo Kante – Nga Leicester City për 32 milionë funte
Diego Costa – Nga Atletico Madrid për 32 milionë funte
Eden Hazard – Nga Lille për 32 milionë funte
Andriy Shevchenko – Nga Milani për 30.8 milionë funte
Cesc Fabregas – Nga Barcelona për 27 milionë funte
Willian – Nga Anzhi për 25.5 milion funte
