Dy gjigantët e Ligës Premier vazhdojnë ta monitorojnë Rodrygon

Arsenali dhe Chelsea po e ndjekin nga afër situatën e Rodrygo Goes te Real Madridi, pasi sulmuesi mund të largohet verën e ardhshme. Ndërsa as klubi dhe as lojtari nuk kanë konfirmuar ndonjë lëvizje, të dyja skuadrat angleze janë të etura ta nënshkruajnë atë.

Emri i Rodrygos pritet të dalë së shpejti në Real Madrid si një shitje e mundshme për të mbledhur fonde. Vendimi përfundimtar do të përfshijë Xabi Alonson dhe lojtarin, i cili është duke pritur një bisedë me ish-mesfushorin e Real Sociedad.

Arsenali ka treguar interes të hershëm, me bisedime që tashmë kanë filluar në mënyrë joformale.

“Topçinjtë” janë gati ta mirëpresin Rodrygon në Emirates, ku ai do të ribashkohet me shokët e ekipit brazilian, Gabriel Magalhaes dhe Gabriel Martinelli.

Londres ‘pelea’ por Rodrygo.

El jugador está pendiente de una reunión con Xabi Alonso para definir su futuro.

Mientras tanto, Chelsea y Arsenal mueven ficha. Los primeros contactos ya han tenido lugar. Operación sumamente complicada, pero no imposible.https://t.co/CjDhLT523J

— Eduardo Burgos (@edu17burgos) May 29, 2025

Chelsea e sheh Rodrygon si një objektiv kyç për të forcuar sulmin e tyre pas dështimeve me Mykhailo Mudryk, Jadon Sancho dhe Christopher Nkunku raporton Telegrafi, transmeton Periskopi.

Edhe pse ende nuk janë bërë oferta zyrtare, interesi pritet të rritet, veçanërisht pasi Chelsea u kualifikua për Ligën e Kampionëve.

Rodrygo i përshtatet në mënyrë të përkryer profilit të tyre — i ri, me përvojë dhe me potencial të madh, por çmimi mund të arrijë në 100 milionë euro./Periskopi/