E gjithë Europa në rrezen e raketave ruse
Bëhet fjalë për përforcimet ushtarake që Moska ka kryer në eksklavën e vet në Detin Balltik, ku ndër të tjera, vendet balltike deklarojnë se janë vendosur edhe mbushje bërthamore.
Ëashington Post ka publikuar disa harta që tregojnë shumëllojshmërinë e raketave ruse të stacionuara në rajon dhe rrezen e tyre të veprimit.
Raketat S-400 tokë-ajër. Kapin shpejtësi më të madhe se zëri dhe përdoren kryesisht për mbrojtje. Rrezja e veprimit rreth 300 kilometra.
Raketat Kalibr; janë të vendosura në dy frigata që Moska zhvendosi në Kaliningrad në muajin tetor. Kanë një rreze veprimi deri në 1600 kilometra dhe aftësinë që të mbartin mbushje bërthamore.
Iskander-M. Janë bateri raketore të lëvizshme, të vështira për t’u lokalizuar dhe një saktësi marramendëse. Janë në gjendje të mbartin mbushje bërthamore dhe godasin në një rreze deri në 420 kilometra. /TCh/
