E trishtë: Ndërron jetë anëtari i FC Prishtina, Dren Ferataj

Ka ndërruar jetë në moshë të re Dren Ferataj, anëtar i stafit të FC Prishtina dhe njëherësh IT i grupit.

Në një telegram ngushëllimi, klubi prishtinas thekson se Dreni ishte më shumë se një bashkëpunëtor – ai ishte mik, mbështetës i palodhur i ekipit dhe një person i dashur për të gjithë lojtarët dhe stafin.

Është bërë e ditur se varrimi i të ndjerit do të bëhet nesër, në ora 14:00, me namazin e Ikindisë, në varrezat e Dragodanit.

Postimi i plotë:

Me pikëllim të thellë njoftojmë se ka ndërruar jetë Dren Ferataj, anëtar i çmuar i stafit tonë dhe IT i klubit.

Dreni ishte më shumë se një bashkëpunëtor ai ishte mik, mbështetës i palodhur i ekipit dhe person i dashur për të gjithë lojtarët dhe stafin. Me urtësinë, qetësinë dhe pozitivitetin e tij të përhershëm, ai la gjurmë të pashlyeshme në klubin tonë.

Do ta kujtojmë gjithmonë për buzëqeshjen e sinqertë, gatishmërinë për të ndihmuar dhe shpirtin e tij të mirë që e sillte çdo ditë në punë.

Ngushëllimet më të sinqerta familjes Ferataj, miqve dhe të gjithë atyre që e kanë njohur.

Qoftë i paharruar kujtimi i tij.

Varrimi do të bëhet nesër, në ora 14:00, me namazin e Ikindisë, në varrezat e Dragodanit. Le të prehet në paqe.