Eden Hazard i dërgon mesazh Neymarit (Foto)
Ylli belg i Chelsea, Eden Hazard, i ka uruar të gjitha të mirat brazilianit Neymar pas kalimit të tij rekord në Paris Saint Germain.
25 vjeçari tashmë është futbollisti më i shtrenjtë në histori të futbollit pas transferimit të tij nga Barcelona në gjigantin francez për shumën e 222 milionë eurove, transmeton Periskopi.
Hazard para se të transferohej në Stamford Brigde kishte luajtur për pesë sezona në kampionatin francez te skuadra e Lille, aty ku edhe bëri emër në futbollin evropian.
Ai e kishte udhëhequr Lille drejt dy trofeve në vitin 2011, duke fituar kupën e ligës dhe titullin e kampionit.
Reprezentuesi belg gjithashtu ishte shpallur futbollisti i vitit për dy vite radhazi para se të kalonte në Chelsea në vitin 2012.
Hazard ka mbështetur fantazistin brazilian që të bëhet më i miri i Ligue 1 përmes një postimi në Instagram.
Hazard është i lidhur me një kalim në Barcelonë si zëvendësues i Neymarit edhe pse Antonio Conte ka deklaruar se ylli belg nuk është në shitje. /Periskopi/
